ANABAD Galicia

Avance de resultados da Asemblea xeral extraordinaria de socios de Anabad Galicia

Julio Pesquero — Tue, 30 Jun 2009 08:00:47 +0000

Constituida a Asemblea xeral extraordinaria convocada para o día 29 de xuño no centro cívico Forum da Coruña os acordos alcanzados foron:

Ingreso de Anabad Galicia na Federación Española de Sociedades de Archivística, Biblioteconomía, Documentación e Museística (FESABID).
Inicio da tramitación para o cambio de sede.
Elaborar un comunicado para ofrecer aos socios información sobre os distintos tipos de cursos, tanto os que organiza a propia Anabad como nos que colabora a través de convenios: requisitos, condicionantes, etc.
Iniciar o trámite para o cambio dos estatutos segudo o previsto nos propios estatutos.
Elaborar unhas recomendacións sobre as tasas e salarios mínimos que deben cobrar os profesionais dos arquivos, bibliotecas, documentación e museos que actúe como referencia para empresas e administracións na comunidade autónoma de Galicia.

Asemblea xeral extraordinaria de socios de Anabad Galicia

Julio Pesquero — Mon, 29 Jun 2009 08:02:55 +0000

Asamblea Xeral Extraordinaria de socios, que se vai celebrar hoxe 29 de xuño ás 17.00 h en primeira convocatoria, e ás 17.30 h. en segunda convocatoria, no Fórum Metropolitano na Coruña, coa seguinte

Orde do día

1. Adhesión a FESABID

2. Cambio de sede e reparto de mobles

3. Información sobre os cursos

4. Modificación de estatutos

5. Elaboración dun regulamento interno

6. Celebración do Congreso de ANABAD en Galicia

7. Rogos e pregunta

1ª Xornadas de Arquivos Municipais das cidades do Eixo Atlántico

João Manuel Peres Lijó — Fri, 19 Jun 2009 07:25:23 +0000

A través do Blog A Informação enteirámonos destas xornadas que decorrerán no Arquivo Municipal Sophia de Mello Breyner de Vila Nova de Gaia entre o 29 e 30 de xuño de 2009.

O programa e a ficha de inscrición poden encontrarse nesta ligazón. A inscrición é gratuíta e pode formalizarse até o 22 de xuño.

Os participantes galegos son:

María Jesús Saavedra: Directora do Arquivo Municipal de Lugo
Miguel Pereira: Arquivo da Deputación de Pontevedra
Marina García Pita: Xefa do Servizo de Arquivos e Museos da Xunta de Galicia
Gabriel Quiroga Barrio: Director do Arquivo Nacional de Galicia

10º Congresso BAD

João Manuel Peres Lijó — Thu, 18 Jun 2009 14:44:05 +0000

Os compañeiros e compañeiras da Associação Portuguesa de Bibliotecários, Arquivistas e Documentalistas preparan a celebración do seu décimo congreso a celebrar en abril de 2010 en Guimarães.

O seu tema principal será Politicas de informação na sociedade em rede e xa está aberto o prazo de inscrición así como os prazos para enviar colaboracións: comunicacións, posters e paineis até o 21 de setembro de 2009.

A Guia para bibliotecas escolares 2009 está disponible en:

Julio Pesquero — Thu, 18 Jun 2009 10:36:19 +0000

Despois de numerosas preguntas formuladas a Anabad Galicia sobre A Guia para bibliotecas escolares 2009 que sevai presentar hoxe xoves editada por Pedro López e José Carlos Santos temos noticias de que podes dispor dela no Servizo de Publicacións da Universidade da Coruña ao prezo de 20 €.

O número de referencia da obra é 618 e podedes facer unha petición perante este formulario. Ademáis deixamos aquí o contacto do Servizo de Publicacións da UDC:

Servizo de Publicacións
Universidade da Coruña
Edificio Xoana Capdevielle, 1ª andar
Campus de Elviña
15071 A Coruña

Tf. 981-167000. Ext. 5680 – 5685 – 5686
Fax: 981- 167090 Ext. 5681
Correo electrónico: publica@.udc.es
Web: http://www.udc.es/publicaciones

Presentación da Guía para bibliotecas escolares en Ferrol

Julio Pesquero — Tue, 16 Jun 2009 07:00:04 +0000

O xoves 18 de xuño ás 19 horas terá lugar la presentación da Guía para bibliotecas escolares, manual coordinado polos profesores da Universidade da Coruña, Pedro López Gómez e José Carlos Santos Paz, e publicado conxuntamente pola Universidade da Coruña e a Consellería de Traballo-Fondo Social Europeo, neste ano 2009.

O acto terá lugar no Salón de Graos. Facultade de Humanidades (R/ Doutor Cabrera s/n) Ferrol e intervirán: Fernando González, Director do Servizo de Publicacións da UDC, Pedro López, Co-director do Máster de Bibliotecas Escolares da UDC, Antonio Martínez, Presidente de AGABEL, a profesora da UDC Carmen Pérez Pais, e a profesora de ensino secundario Mª Dores Lago Igrexas, colaboradoras, entre outros autores, do manual.

Este libro inclúe os resumos das principais achegas realizadas polos profesores do I Master en Bibliotecas Escolares da Facultade de Humanidades da Universidade da Coruña (2007-2008). Cobren os principais temas que se refiren ao universo da biblioteca escolar nos seus distintos niveis. Aspectos conceptuais, políticos e legais; cuestións teóricas e prácticas sobre a organización e instalación dos materiais, con especial referencia aos libros e documentos audiovisuais e electrónicos de carácter infantil e xuvenil; o proceso técnico dos materiais, a obtención e uso máis adecuado da información; os servizos que se poden prestar aos usuarios, e a formación deses usuarios para que utilicen e rendibilicen os materiais e as informacións á súa disposición; e a dinamización da biblioteca, concibida como un instrumento transversal da educación e a formación da comunidade escolar.

Oferta de emprego para a Fundación Ciencias da Documentación

Rebeca Núñez — Sun, 14 Jun 2009 23:05:49 +0000

Dende a Fundación Ciencias de la Documentación ofertan as seguintes prazas por ampliación de oficiñas en Plasencia (Cáceres). Os perfís que precisan son os seguintes (para máis información podedes premer no nome de cada oferta):

1. Programador/Diseñador Webmaster

2. Administrativo comercial

4. Gestor de Formacion/Eventos

Un saúdo.

Asemblea Xeral e elección da xunta directiva de Anabad Galicia

Julio Pesquero — Fri, 12 Jun 2009 11:58:21 +0000

Na Coruña, no Centro Cívico Forum Metropolitano, o día 6 de xuño de 2009, as 12:00 horas en segunda convocatoria, reúnese a Asemblea Xeral Extraordinaria de ANABAD-GALICIA, coa asistencia de trece socios presentes e doce con delegación de voto para a elección da xunta directiva de ANABAD Galicia.

Logo da votación e do reconto de votos delegados a Xunta Directiva quedou constituída do seguinte modo:

Presidenta: Dolores Pereira Oliveira
Vicepresidenta: Isabel Blanco Pardo
Secretaria: Isabel Buján Bernárdez
Tesoreira: Marta Alonso Gómez
Vocal de arquivos: Olimpia López Rodríguez
Vocal de bibliotecas: Consuelo Meriño Sánchez
Vocal de documentalistas: Julio Pesquero Murillo
Vocal de museos: Tomás Fernández Fuertes

Carné de membro de Anabad

Julio Pesquero — Thu, 11 Jun 2009 11:54:59 +0000

ANABAD pon a disposición dos socios unha tarxeta de socio que permite o acceso gratuíto a Museos, Arquivos e Bibliotecas de titularidade estatal. Se algún dos socios non tedes esta tarxeta, e estades interesados nela, poñédevos por favor en contacto con Anabad Galicia para que as poidamos solicitar a Madrid.

Tfno: 661 709 823
Escríbenos a anabadgalicia@mundo-r.com e anabad.secretaria@mundo-r.com

Comunicado de Anabad Galicia

Julio Pesquero — Tue, 09 Jun 2009 16:57:01 +0000

No día internacional dos arquivos ANABAD GALICIA quere felicitarse polo anuncio da inauguración do Arquivo Nacional de Galicia no presente ano 2009, e expresar as súa vontade de colaboración coa Administración en todas aquelas accións que poidan favorecer á profesión e aos arquivos de Galicia.

Comunicado de Anabad Galicia.