O Consellería de Cultura anuncia as liñas de actuación para o Ano da Lectura.
As actuación divídense en 6 áreas dotadas dun orzamento que ascende a 16.937.177€:
Unha nova sección de entrevistas que é inaugurada por Mª Elena Becerra García e Mª José Villar Fernández, Bibliotecarias de Redondela.
Sección seguida por un artigo de colaboración de Gabriel Quiroga Barro, Subdirector Xeral de Arquivos e Museos, sobre o Arquivo de Galicia. Aclarando algunhas dúbidas sobre o papel desta institución e a súa situación no contexto da Cidade da Cultura.
Sempre é unha boa noticia contar con novas infraestruturas culturais polo que aproveitamos para pedirlle a Elena Pernas Lázaro, Directoras das Bibliotecas Municipais da Coruña, que nos presentase a Biblioteca dos Rosales inaugurada o pasado mes de Setembro.
Por último queremos continuar potenciando a profesión mediante os programas de formación realizados en colaboración con outras institucións e das que se aporta información ao final deste boletín.
Queremos contar coas vosas suxestións. Se queredes incluir novas seccións, enviar artigos e comentarios, ou todo aquelo que desexedes manifestar, estamos abertos á vosa colaboración. Podedes poñervos en contacto con nós no seguinte enderezo electrónico: anabadgalicia@mundo-r.com.
Ou no correo postal:
O Fulgor e as tebras: as bibliotecas na Galiza da II República e a súa destrución durante a Guerra Civil, é o título da obra de Francisco Xavier Redondo Abal publicado recentemente por Laiovento.Este traballo tenta percorrer o labor fecundo que as autoridades republicanas realizaron no terreo bibliotecario, pero non só elas senón que dende comezos do século XX unha morea de agrupacións políticas, sindicais, ateneos e casinos recreativos instalaron nos seus locais bibliotecas abertas á poboación. E outro tanto fixeron as sociedades de instrución de alenmar coas súas escolas de emigrantes nas que se incidía na dotación de bibliotecas abertas ao público.
As autoridades republicanas do Ministerio de Instrución Pública e Belas Artes entenderon que só a socialización da lectura, até entón inexistente, permitiría asentar no Estado español un réxime democrático e de liberdades. E, en consecuencia, dedicaron inxentes esforzos á creación de bibliotecas que, por un lado, acabasen co secular desequilibrio entre campo e cidade, e por outro, posibilitasen a igualdade de oportunidades no acceso á lectura.
Fálase do fulgor que a II República acendeu nos campos da cultura e da educación mediante unha mestura de medidas lexislativas, inversións orzamentarias e moito empurrón colectivo e persoal. Un resplandor que buscou afanosamente sacar a España da incultura secular, do abandono educativo no que vivía, eliminando a profunda división entre o campo e a cidade. Un abismo vergoñento que até a chegada da II República ninguén se propuxo atallar, polo m enos dende o ámbito institucional.
E fálase, tamén, das tebras instaladas tras a treboada do 18 de xullo de 1936. Unha escuridade que comezou coa eliminación de todo o traballo lexislativo en materia de cultura e edicación posto en práctica polos gobernos republicanos, cando menos, até finais de 1933. Un panorama negro que, ademais, levou por diante vidas e proxectos culturais, públicos e privados, que tanto esforzo custara iniciar.
Durante os anos 32 e 34 o Padroado das Misións Pedagóxicas crea en todo o estado 3.151 bibliotecas escolares das que 405 corresponden á Galiza:
(Aporta datos desglosados dos lugares onde foron creadas as bibliotecas. Non podo esquecer agradecer ao autor a cita sobre a biblioteca creada na miña parroquia da que descoñecía totalmente a súa existencia).
Estas bibliotecas foron dotadas por lotes bibliográficos seleccionados pola Junta de Intercambio y Adquisición de Libros (JIAL) cos seguintes criterios: preeminencia de autores do estado español, creación dun fondo literario con cla´sicos universais en edicións melloradas e coidadas; selección de libros máis representativos en cada materia; presenza mínima de obras de pasatempo, ao considerar as bibliotecas como centros de perfeccionamiento cultural; e, por último, o respecto ao lugar onde se atopa situada a biblioteca, procurando a presenza de bibliografía da contorna local ou comarcal. Tamén a música estivo presente mediante a dotación dun gramófono e colección de discos de música clásica e música tradicional.
Estamos a tempo de aproveitar os últimos días do verán para mergullarnos nesta obra que se le dunha tirada coa avidez de quen necesitamos referentes e información sobre a nosa realidade. Obra que nos permite coñecer o que nos puido deparar a historia se as cousas tivesen acontecido doutra maneira. Ao mesmo tempo comprobamos como moitas das ideas lanzadas na Segunda República continuan a estar non só vixentes senón que aínda teñen que ser reivindicadas na sociedade actual.
O Servicio de Estadísticas y Evaluación da Subdirección General de Coordinación Bibliotecaria acaba de facer pública a publicación dos datos estatísticos de bibliotecas públicas españolas correspondentes a 2007.
Na última Asemblea Xeral da Asociación acordouse dotar a esta de novas ferramentas para difundir o traballo entre as persoas asociadas. Fruto deste acordo presentamos agora o primeiro Boletín de ANABAD-Galicia. Este boletín nace sen periodicidade definida pero coa vontade de continuar informando, dentro das nosas posibilidades, daquelas actuacións da Asociación así como daquelas cuestións que podan afectar ás nosas profesións.
Este primeiro boletín inclúe:
Pódese descarregar o Boletín desde esta ligazón.
O 9 de Xullo reunímonos coa Consellaría de Cultura. No acto estiveron presentes, por parte da Consellaría, o propio Conselleiro, Roberto Varela, o Director Xeral de Promoción e Difusión da Cultura, Francisco López, e Daniel Buján da mesma dirección xeral. Como representantes de ANABAD-Galicia asistiron: Isabel Blanco, vicepresidenta; Consuelo Meiriño, vogal de bibliotecas; Julio Pesquero, vogal de documentación e Xoán Manuel Pérez polas bibliotecas municipais.
A reunión, que se desenvolveu nun ambiente distendido, consistiu nunha primeira toma de contacto na que se fixo entrega dun informe coas liñas prioritarias que desde a Asociación consideramos importantes atender na presente lexislatura. Manifestouse tamén pola nosa parte a disposición a colaborar coa Consellaría en todo o que afecte ás bibliotecas. Roberto Varela, pola súa parte, incitounos a participiar na elaboración do Plan Rector da Biblioteca nacional.
No informe entregado incidimos nas seguintes liñas que consideramos prioritarias para desenvolver nesta lexislatura:
Noticia en El Correo Gallego: Os nomes ocultos
A través do Blog A Informação enteirámonos destas xornadas que decorrerán no Arquivo Municipal Sophia de Mello Breyner de Vila Nova de Gaia entre o 29 e 30 de xuño de 2009.
O programa e a ficha de inscrición poden encontrarse nesta ligazón. A inscrición é gratuíta e pode formalizarse até o 22 de xuño.
Os participantes galegos son:
Os compañeiros e compañeiras da Associação Portuguesa de Bibliotecários, Arquivistas e Documentalistas preparan a celebración do seu décimo congreso a celebrar en abril de 2010 en Guimarães.
O seu tema principal será Politicas de informação na sociedade em rede e xa está aberto o prazo de inscrición así como os prazos para enviar colaboracións: comunicacións, posters e paineis até o 21 de setembro de 2009.
O pasado 13 de Outubro de 2008 o Departament de Cultura i Mitjans de Comunicació da Generalitat de Catalunya iniciou un proceso de reflexión sobre o futuro da biblioteca pública que co lema: Imagina la biblioteca pública del segle XXI, contou coa participación de profesionais de diferentes ámbitos para reflexionar e analisar os rasgos definitorios do modelo social actual e as posibles respostas que se deben dar desde o mundo da lectura pública.
O primeiro relatorio publicado incide nestas oito cuestións:
As respostas son presentadas como nube de termos automáticos dos que se extraen os máis salientables. A observación destas respostas para as BP de Cataluña poden indicarnos tamén por onde debe ir o desenvolvemento dos nosos servizos.
A Federación de Gremios de Editores de España ten como acción estratéxica de carácter permanente o fomento da lectura, por entender que, esta é, foi e seguirá sendo o instrumento básico para entrar no mundo da Cultura, en xeral, e na denominada sociedado coñecimento, de maneira particular, e de ser o principal elemento para o desenvolvimento social e económico das persoas e a propia sociedade. Neste sentido, a Federación de Gremios de Editores de España é un promotor e participante activo do Plano de Fomento da Lectura e de maneira singular quere destacar o labor indispensábel que a favor da lectura realizan as bibliotecas, e para tal fin convoca un Premio ao fomento da lectura en bibliotecas abertas ao público, que se entregará no marco de LIBER e que suporá o recoñecimento público da industria editorial ao seu traballo.
Prazo da convocatoria:
As candidaturas deberán presentarse na sede da Federación de Gremios de Editores de España, c/ Cea Bermúdez 44, 2º dcha. 28003 Madrid. E-mail: pruiz@fge.es, do 1 ao 30 de Xuño de cada ano.
Convocado o 32º Congreso Internacional do IBBY do 8 ao 12 de setembro de 2010 na Cidade da Cultura de santiago de Compostela.
O Programa do congreso e a inscrición xa está disponíbel a través da web do Congreso: www.ibbycompostela2010.org
A Forza das minorías: porque dun xeito ou doutro todos formamos parte dunha inmensa minoría. Promocionar, escribir ou ilustrar libros para nenos/as e mozos/as. Publicalos dende unha lingua ou cultura afastada dos códigos maioritarios. Lelos en situacións de precariedade económica ou con dificultades fisico-psíquicas que impidan o acceso en igualdade á cultura. Ter que ser neno e adulto ao mesmo tempo en sociedades que non respectan os dereitos fundamentais da infancia. Verse obrigado a emigrar e empezar de novo nunha lingua ou cultura que non é a propia. Non ter país de seu. Sentir en minoría. Falar en minoría. Amar en minoría. Ler en minoría.
Velaquí o lema, o sentido e o tema xeral do noso congreso. Unha cuestión, a da situación das minorías, que leva preocupado a IBBY desde hai anos. Desa preocupación naceu o Centro IBBY dos Libros Infantís e Xuvenís para Nenos con Discapacidades, de Oslo, e nacerá o Centro IBBY das Literaturas Infantís e Xuvenís da Diversidade Cultural, de Santiago de Compostela.
Do blog portugués da companheira Luísa Alvim, Viva Biblioteca Viva, extraemos a información dun novo recurso: Bibliotecas pela Igualdade de Género (BIG).
Queremos felicitar a estas companheiras da União de Mulheres Alternativa e Resposta por esta iniciativa.
Obxectivos:
A Deputación da Coruña adianta a súa programación formativa. As actividades que van ter lugar antes dos meses de verán xa dispoñen de convocatoria cuxa inscrición rematará o 23 de marzo.
A acción específica para bibliotecas é Deseño de Instalacións e espazos nas bibliotecas con dúas convocatorias: Coruña e Santiago. Durante 20h. entre os meses de abril e maio.
Programa, información e matrícula no enderezo da Deputación.
Convócanse 2 prazas para Diplomados en biblioteconomía e documentación ou licenciados en documentación para traballar na Área de Documentación do Consello da Cultura Galega:
Contía das bolsas: 850 € mensais
Duración:
A duración da bolsa será de 9 meses, comprendidos entre o 1 de abril e o 31 de decembro de 2009.
Prazo:
O prazo de presentación de solicitudes rematará o 3 de abril de 2009.
Máis información.
Diario Oficial de Galicia nº 43 do martes, 3 de marzo de 2009
Consello da Cultura Galega (Pazo de Raxoi, praza do Obradoiro, 2º andar)
Teléfonos: 981 95 72 02 (de 9.00 ás 14.00 horas)
A Federación de Libreiros de Galicia convoca a XVIII edición dos Premios Irmandade do Libro, e dentro das modalidades premiadas está a de Fomento da lectura, á que se poden presentar bibliotecas públicas.
Parece ser que se poden enviar propostas ata o 4 de marzo.
XVII Congreso Nacional de Amigos de los Museos, Vigo 13-15 de marzo de 2009.
A Federación Española de Amigos de los Museos organiza este congreso no mes de marzo en Vigo. Co lema "Museos e amigos como axentes de integración" tratará de presentar os proxectos máis relevantes que, no campo da integración, se realizan en distintos museos de España con diferentes colectivos.
O programa do congreso contempla ponencias, mesas redondas, debates e visitas a museos das cidades de Vigo, Pontevedra e Santiago.
A Consellería de Cultura e Deporte da Xunta de Galicia convoca o congreso internacional que leva por título Lugares de Cultura. Creatividade para o desenvolvemento.
Pretende que este encontro, que do 21 ao 24 de xaneiro se celebrará en Santiago de Compostela, sexa o inicio dun proceso permanente de debate e análise no que se convida a participar a todas aquelas persoas interesadas na cultura como xeradora de valores, actitudes e comportamentos fundamentais para o desenvolvemento de sociedades máis reflexivas e innovadoras.
No que respeita ás Bibliotecas o congreso contará coa participación de Teresa Malo de Molina presentando a Biblioteca Dixital Europea e a Biblioteca Dixital Mundial. Jorge Melguizo Posada presentará o proxecto de Bibliotecas-Parque de Medellín, Colombia.
Nos dias 22 e 23 de Janeiro de 2009, a Casa da Leitura, projecto da Fundação Gulbenkian, organiza um Congresso Internacional de Promoção da Leitura, tendo por tema Formar leitores para ler o mundo.
O Congresso pretende seguir as áreas que estruturam o portal, ou seja, a literatura infanto-juvenil, as questões teóricas da leitura enquanto processo cognoscivo e as boas práticas e estratégias de promoção da leitura. Assim, na sequência dos objectivos da Casa da Leitura, trata-se de acrescentar eficácia ao desenvolvimento de projectos e políticas de formação de leitores competentes.
Formar leitores competentes é, pois, a linha orientadora do Congresso: as políticas, estratégias, metodologias e instrumentos para a formação de novos públicos leitores devem ser o fio condutor e unificador de todas as temáticas abordadas.
A inscrición pode realizarse neste enderezo.
Consulta o programa.
O Día da Biblioteca celébrase este ano na Biblioteca Ánxel casal de Santiago
O cartaz é da autoría de Xosé Cobas e o Manifesto Onde hai unha biblioteca hai unha luz é de Agustín Fernández Paz.
A celebración consistirá en varias actividades durante todo o día na Biblioteca con maratón de leituras, xornada de portas abertas, conferencia, contacontos e obradoiro de banda deseñada.
O programa completo e o manifesto pode descarregarse desde a web do Ministerio de Cultura.
10 e 11 de Outubro de 2008
Braga – Universidade do Minho
Estes Encontros têm como objectivos dar a conhecer e divulgar a investigação que se produz nestas áreas, bem como reflectir sobre as práticas docentes que se realizam nas instituições de ensino superior, e têm reunido na Universidade do Minho, em Braga, um grande número de investigadores do país e do estrangeiro, docentes que leccionam na formação de professores, bem como docentes de vários níveis de ensino. Em 2008 a área temática a privilegiar é a da Literatura Infantil.
Pretendemos que os Encontros Li – expressão abreviada que entrou já no vocabulário dos seus participantes – continuem a ser um amplo espaço de divulgação, debate e confronto de ideias, e alfobre de investigação interdisciplinar.
Programa completo e inscrições
Informações através de: encontrosli@iec.uminho.pt
